โอ๊ยย ฟังแต่ชื่อ หนูข้าวเม่า กะบ่กล้าแม้แต่สิดมเลยจ้า เครือตดหมา พะนะ ได้ยินชื่อละขมคอขึ้นมาทันที ฮ่าๆๆๆๆ แต่ไผสิฮู้ว่า มันมีสรรพคุณทางยา และประโยชน์หลายแท้ ต้นเครือตดหมา เป็นสมุนไพรชนิดหนึ่ง ทั้งลำต้นและใบมีกลิ่นเหม็นสมชื่อ เนื่องจากมีสาร Methyl Mercaptan คล้ายๆกลิ่นเหม็นเขียว มีสรรพคุณทางยา แก้ท้องอืด ท้องเฟ้อ กลิ่นเหม็นเขียวช่วยระบายความร้อนในร่างกาย ช่วยขับลม ช่วยย่อยอาหาร เป็นยาสมุนไพรช่วยขับน้ำนมของแม่ลูกอ่อน ช่วยรักษาโรคดีซ่านและโรคเบาหวานได้พร้อม ชาวบ้านนิยมนำมาปลูกใกล้บ้านเพื่อเก็บกิน เป็นผักสดจิ้มกับน้ำพริก แกล้มกับลาบ และตำมะม่วง หรือนำมาลวกกินเป็นผักจิ้มกับน้ำพริกกะแซบ
อันว่าเครือตดหมานั้น ในสมัยก่อนยังไม่มีการผลิตน้ำตาลขึ้นมาใช้ เมื่อมีงานบุญหรืองานมหรสพต่างๆ จะใช้น้ำที่คั้นจากรากเครือตดหมามาเป็นส่วนผสมในการทำขนมเพื่อให้ความหวานแทนน้ำตาล วิธีเฮ็ดน้ำตดหมา เริ่มจาก ไปหาขุดรากเครือตดหมาตามป่ามา ผู้เฒ่าผู้แก่เพิ่มว่ายิ่งอายุหลายเป็นสิบปียิ่งคั๊ก ขุดมาแล้วสิได้เป็นรากเส้นใหญ่ๆ ยาวๆ เอามาเซาะขี้ดินออก สับเป็นท่อนๆ แล้วกะเอามาขุดผิวเปลือกออก ยางมันสิทำให้คันมือถ้าไผแพ้ก็อย่าเฮ็ด ให้ขูดตอนที่มันสดๆสิขูดง่าย แล้วสิได้รากเครือตดหมาเป็นท่อนสีขาวๆ ปาดนี้กะเอาไปตากแดดอีก 7 แดด แล้วกะเอามาแช่น้ำอีกสามคืน แต่ต้องเปลี่ยนน้ำทุกวัน เพื่อลดความคันของรากเครือตดหมา แล้วจากนั้นกะเอามาตำด้วยครกมอง เนื้อรากมันสิแตกออกจากแกนให้เอาแกนทิ้ง ส่วนที่ใช้ได้กะคือเนื้อรากมันนั่นเอง ตำจนเนื้อละเอียด แล้วกะเอามาผสมกับน้ำซาวข้าว คลุกๆ บีบๆ ให้เข้ากันแล้วกะกรองน้ำแยกกากออก กะสิได้น้ำตดหมา ไว้ผสมกับขนมแล้วจ้า
ขนมที่นิยมผสมน้ำตดหมา ได้แก่ ขนมตดหมา คือ การเอาข้าวก่ำมาหม่าไว้คืนนึง แล้วเอากะซาวขึ้นจากน้ำ พักไว้ให้ข้าวแห้งจั๊กหน่อย แล้วกะเอาข้าวก่ำนั้นมาตำจนละเอียดเป็นแป้ง จากนั้นกะใช้ตาข่ายตาถี่ๆมาร่อนเอาเม็ดที่ใหญ่ไปตำอีก เฮ็ดแบบนี้จนละเอียดเบิ่ด แล้วกะเอาแป้งที่ได้มาผสมกับส่วนผสม กะสิมี มะพร้าวขูด ใส่น้ำตาลทรายจั๊กนิด นวดๆ คลุกๆให้เข้ากัน แล้วกะเทน้ำตดหมาทีละน้อยๆ นวดๆ คั้นๆจนเข้าเนื้อกัน ใส่เกลือจั๊กหน่อย สุดท้ายใส่งาขาวคั่วตำละเอียด ห่อเป็นสามเหลี่ยมเหมือนขนมเทียน ด้วยใบตองยางหรือใบยางนาเพื่อสิเอาไปนึ่ง นี่ละขนมตดหมา
ส่วนขนมอีกอย่างหนึ่งที่มีส่วนผสมของน้ำตดหมากะคือ ข้าวโป่ง หรือข้าวเกรียบว่าว มีส่วนผสมต่อไปนี้ นึ่งข้าวเหนียวแล้วเอามาตำด้วยครกมองให้แหลกละเอียด ผสมน้ำกะทิทีละน้อยๆ ตำไป คนไป และสุดท้ายผสมน้ำตดหมา เพื่อเพิ่มความหวานและสิมีกลิ่นหอมที่เป็นเอกลักษณ์ จากนั้นปั้นเป็นก้อนแล้วแผ่ออกให้เป็นแผ่นๆ เอาไปตากแดด พอแห้งได้ที่กะนำมาปิ้งโลด สิได้ข้าวโป่งที่หวาน หอม แซ่บไปอีกแบบ
ติดตามหนูข้าวเม่า และ Zapp เว่อร์! เปิบพิสดาร ได้ใหม่ตอนหน้า ที่ Zappnuar.com หรือตามช่องทางต่างๆต่อไปนี้เด้อจ้า
line : @zappnuar.com Facebook : zappnuar Twiter : @zappnuar Instragram : zappnuar_ Google + : zappnuar