แม้ในช่วงฤดูฝน มักสิมีพายุที่สร้างความเสียหายให้แก่บ้านเรือน พืชสวน ไร่นา แต่ยังมีสิ่งหนึ่งที่มาหลังจากที่พายุ ได้สงบลง กะคือ อึ่งอ่าง นั่นเอง ชาวบ้านสิออกไปก้านอึ่งอ่างเอามาขาย บ่ว่าจะขายตัวเป็นๆ ปิ้งอึ่ง ต้มอึ่งหรือสิเอาอึ่งตัวที่ตายมาเฮ็ด ปลาแดกอึ่ง สร้างรายได้เป็นกอกเป็นกำให้ชาวบ้านในหลายจังหวัดทางภาคอีสาน มื้อนี้ หนูข้าวเม่า จึงนำเอาเรื่องราวของปลาแดกอึ่งมาฝากเพื่อนๆ ซุคนเด้อจ้าา
วิธีเฮ็ดปลาแดกอึ่ง กะเฮ็ดคล้ายๆกับการทำปลาแดกที่เฮ็ดจากปลา คือการคัวเอาขี้ เอาเครื่องในออก แล้วกะเอาไปคลุกเกลือกับข้าวคั่ว หมักไว้ประมาณ 1-3 คืน กะเอามากินได้ เฮาสามารถเก็บปลาแดกอึ่งไว้กินได้นานเป็นปีๆ สิเอาน้ำปลาแดกไปใส่อาหารเพื่อเพิ่มรสชาติหรือสิเอาต่อนปลาแดกอึ่งไปทอด กินกับข้าวเหนียวฮ้อนๆ กะแซบอีหลี ราคาปลาแดกอึ่งที่ขายกันทั่วไป ประมาณกิโลกรัมละ 180-200 บาท นอกจากนี้ยังสามารถนำอึ่งสดมาเสียบไม้ปิ้ง หรือสิเฮ็ดเป็นต้มอึ่งซดน้ำฮ้อนๆ กะแซบคือกัน สำหรับราคาอึ่งสดสิขายอยู่กิโลกรัมละ 100-170 บาท แล้วแต่ขนาดตัวอึ่งน้อยใหญ่ส่ำได๋ แล้วกะราคาของแต่ละพื้นที่ เป็นตาแซบป่านนี้ ฝนตกครั้งหน้า หนูข้าวเม่า สิออกไปก้านอึ่งกับอีพ่อแล้วสิมาบอกเด้อว่า ปิ้งอึ่ง ต้มอึ่ง กับปลาแดกอึ่ง ว่ามันสิแซบปานได๋ ฝากติดตามพวกเฮาได้ที่ Zappnuar.com เด้อจ้า