ซกเล็ก อาหารพื้นบ้านอีสาน มีลักษณะและวิธีเฮ็ดคือลาบทุกอย่างเลย แต่ต่างกันที่ ซกเล็ก เอาเนื้อดิบมาเฮ็ด แต่ลาบสิใช้เนื้อสุก เนื้อที่นิยมเอามาเฮ็ดกะคือเนื้อวัว ซกเล็กเวลาปรุงรสแล้วจะมีรสจัดจ้านแซบนัวกว่าลาบ
แล้วที่สำคัญใส่เลือดสัตว์สดๆนำเด้อออ โอ๊ยย เป็นตาคาวแท้ละ เดี๋ยวลองมาเบิ่งส่วนผสมก่อนๆ ส่วนผสมกะสิมี เนื้อวัว เครื่องในวัว ผ้าขี้ริ้ว ตับ เลือดวัวสดๆ ใบตะไคร้ ใบสะระแหน่ ต้นหอมซอย ผักชีฝรั่งซอย พริกแห้งป่น ข้าวคั่วป่น น้ำปลา น้ำมะนาว ผงชูรส
มาเตรียมส่วนผสมกันเด้อ
1. ล้างเนื้อวัวและเครื่องในให้สะอาด หั่นบางๆให้เป็นชิ้นพอดีคำ แล้วใส่กะละมังไว้
2. เตรียมเลือด ให้เอาใบตะไคร้ไปขยำกับเลือดวัวสดๆ จนเลือดแตกตัวเป็นฟอง แล้วกะเอาใบตะไคร้ออก ใส่เกลือลงไปในเลือดจั๊กหน่อย เพื่อบ่ให้เลือดจับตัวเป็นก้อนแข็งและทำให้เลือดบ่มีกลิ่นคาว
3. ซอยต้นหอมและผักชีฝรั่ง เด็ดใบสะระแหน่เตรียมไว้ประมาณครึ่งถ้วย
วิธีการเฮ็ด ซกเล็ก เด้อบาดหนิ
1. เอาเนื้อวัวและเครื่องในที่เตรียมไว้ ใส่หม้อใหญ่พอที่สิใช้ทัพพีคนได้
2. ใส่ข้าวคั่ว พริกป่น ต้นหอม ผักชีฝรั่ง แล้วกะคนให้เข้ากัน
3. ปรุงรส ใส่น้ำปลา น้ำตาล น้ำมะนาว ผงชูรส แล้วกะเทเลือดสดที่เตรียมไว้ลงไป คนให้เข้ากันอีกรอบ
4. ตักใส่จาน แล้วกะโรยใบสะระแหน่ ถ้ากินกับข้าวเหนียวกับผักแกล้มเด้อ แซบหลายเด้อ บ่มีฮอดกลิ่นคาวเลือดเลยเด้อพี่น้องเด้ออออ โอ๊ยย น้ำลายแตกก
ติดตาม หนูข้าวเม่า ได้ใหม่ครั้งหน้า ที่ Zappnuar.com เด้อค๊าาา